Call us: (+63) 946 115 5555
Dr. Al Harvey Galorio is a dedicated “doctor to the barrio,” a passionate educator, and a prolific writer, making significant contributions in various fields.
Ang pagkakaroon ng masakit na batok ay isang karaniwang karanasan sa karamihan. Ito ay maaaring dulot ng iba’t ibang mga dahilan tulad ng tensyon, muscle strain, o iba pang mga pangunahing sanhi. Bagamat karaniwang hindi malubha, maaring magdulot ito ng discomfort at makakaapekto sa kalidad ng buhay ng isang tao. Sa artikulong ito, ating tatalakayin ang mga pangunahing hakbang o first aid para sa mga taong may masakit na batok. Malalaman natin kung paano ito maibsan at kung kailan dapat magkaroon ng konsultasyon sa doktor para sa masusing pagsusuri at tamang lunas.
Mga First Aid na Pwedeng Gawin sa Bahay
Ang mga sumusunod na mga hakbang ay magsilbing gabay sa pagbibigay ng unang tulong o first aid sa ganitong sitwasyon.
- Paunang Pagsusuri:
- Tukuyin ang sanhi ng masakit na batok. Maaring ito ay dulot ng muscle strain, tensyon, o iba pang mga dahilan tulad ng sakit sa ulo. Ipatingin mo rin ang BP (blood pressure) para masigurado na hindi ito sanhi ng sakit sa ulo dahil sa hypertension.
- Magpahinga at Tigiolan ang siyong ginagawa:
- Kung ang masakit na batok ay dulot ng muscle strain, stress (2), o tensyon, ito ay maaring mabawasan sa pamamagitan ng pahinga at pagtigil sa mga aktibidad na maaring nagpapalala ng sakit.
- Mainit o Malamig na Kompresyon:
- Subukan ang paggamit ng mainit na kompresyon (hot compress) o malamig na kompresyon (cold compress) sa apektadong bahagi ng batok, depende sa anong pakiramdam mo na makakatulong. Mainit na kompresyon ay maaring magrelax ng tensyon sa mga kalamnan na naninigas, habang malamig na kompresyon ay maaring makatulong sa batok na may pamamaga o parang mainit na batok.
- Pagsasagawa ng Gentle Neck Stretches:
- Maaring subukan ang ilang magaan at maingat na mga stretching exercises para sa leeg upang mairelieve ang tensyon. Siguraduhing ito ay ginagawa mo ng maingat at hindi mo pinipilit ang iyong katawan kung ito ay masakit.
- Pain Medication:
- Kung kinakailangan, maaring uminom ng over-the-counter pain medication tulad ng acetaminophen (paracetamol) o ibuprofen (3), ngunit sundan ang tamang dosage na naka-indicate sa label o ang payo ng iyong doktor. Pwede rin uminom ng Eperisone (Myonal) kung ang sakit ay parang naninigas na muscles.
- Konsultasyon sa Doktor:
- Kung ang masakit na batok ay patuloy na nararamdaman o hindi nawawala sa loob ng ilang araw, o kung ito ay konektado sa iba pang mga sintomas na nakakabahala, tulad ng pamamaga, paminsan-minsang hirap sa paglunok, o pananakit sa puso, agad na magkonsulta sa doktor para sa pagsusuri at agarang payo.
- Pag-iwas:
- Iwasan ang mga aktibidad o posisyon na maaring magdulot ng sakit sa batok. Maaaring makatulong ang paggamit ng unan o iba pang suporta sa pagtulog upang mapanatili ang tamang posisyon ng leeg habang natutulog.
Muling tandaan na ang mga gabay na ito ay para lamang sa unang tulong o first aid. Kung ang masakit na batok ay patuloy na nararamdaman o ang mga sintomas ay lumalala, mas makabubuti na magkonsulta sa isang doktor para sa tamang pagsusuri at lunas.
References
- Binder, Neck pain, https://www.ncbi.nlm.nih.gov/pmc/articles/PMC2907992/, 2008
- Kazeminasab, et.al., Neck pain: global epidemiology, trends and risk factors, https://www.ncbi.nlm.nih.gov/pmc/articles/PMC8725362/, 2022
- First Aid: Stiff Neck, https://www.childrensmn.org/educationmaterials/parents/article/12362/first-aid-stiff-neck/
- Hurwitch, et.al., Treatment of Neck Pain: Noninvasive Interventions, https://www.ncbi.nlm.nih.gov/pmc/articles/PMC2271098/, 2008